Dy italianë kanë humbur jetën dhe dy shqiptarë kanë mbetur të plagosur në orët e para të mënbgjesit të të enjtes në qytetin e Sarandës, për shkak të një aksidenti fatal në zonën e quajtur Hidrovori. Një makinë tip Mercedes Benz, që drejtohej nga 17-vjeçari me inicialet E.R., është përplasur me një morot tip Honda, që drejtohej nga italiani D.G. Si pasojë ka humbur jetën në vend drejtuesi i motorit, 24-vjeçar, por edhe pasagjeri në të, që gjithashtu mësohet se është shtetas Italian. Nga ana tjetër, drejtuesi 17-vjeçar i aumjetit, E.R dhe pasagjeri në të, M.R. kanë mbetur të plagosur dhe janë dërguar menjëherë në spitalin e Sarandës, për të marrë ndihmën e parë mjekësore. Ngjarja ka ndodhur rreth orës 03:00 të mëngjesit dhe policia e grupi hetimor kanë mbërritur menjëherë për të hetuar edhe shkaqet e aksidentit, që rezultoi fatal për dy shtetasit italianë, të cilët kishin ardhur për pushime në Shqipëri.