Skandali i korrupsionit me paratë e armëve të luftës mund të përshkallëzohet në Ukrainë dhe ai të përfshijë edhe vetë presidentin Volodimir Zelenski. Media ukrainase, Kyiv Independent shkruan se zyra kombëtare antikorrupsion po heton tenderat e ndërmarrë për prodhimin e vendas të raketës FP-5 Flamingo, që ka një rreze veprimi prej 3 mijë kilometrash dhe që Ukraina shpreson të jetë një pikë kthese në luftën me Rusinë. Sipas investigimit mediatik, zyra e antikorrupsionit po heton kompaninë që është kontraktuar për prodhimin e kësaj rakete dhe lidhjen e saj me një ish bashkëpuntor të ngushtë të Zelenskit. Hetimet janë përqëndruar në shpërdorimin e fondeve dhe dyshimet se kjo kompani ka fryrë kostot e materialeve të përdorura për prodhimin e raketës Flamingo. Ukraina shpreson që raketa e re të hyjë në shërbim shumë shpejt, duke i mundësuar goditjen e objektivave ushtarake thellë në territorin rus.