Një operacion masiv policor është zhvilluar në shtetin Italian, me qëllim goditjen e një bande të trafikut të drogës, ku të përfshirë ishin ehe disa oficerë policie. Në sajë të operacionit policor, të paktën 31 persona u vunë në pranga, të gjithë të akuzuar për trafikim të lëndëve narkotike. Lajmi u bë me dije nga mediat italiane, ku thuhet se anëtarët e kësaj bande vidhnin drogë nga bandat e tjera me pretendimin se ishin punonjës policie dhe organizonin kërkime të rreme. Sipas lajmit të publikaur nga mediat online, bëhet me dije se shpërndarja e drogës funksiononte në Italinë Veriore dhe në provincat e Romës dhe Forlì-Cesena. Gjatë operacinit polcior, karabinierët mundën të sekuestronin rreth 800 kg drogë me vlerë mbi 640 mijë euro. Hetimet në lidhje me këtë rrjet kriminal kishin nisur që në vitin 2017 nga Njësisë Hetimore të Komandës Provinciale të Monza Brianza-s së bashku me personelin e Njësisë Hetimore Rajonale të Milanos të Trupave të Policisë Penitenciare, ku janë zbuluar një sërë vjedhjesh që nuk ishin raportuar kurrë, të paktën kështu thuhet në mediat italaine. Nga ana tjetër, gjatë hetimeve rezultoi se si organizata kriminale e ka rikuperuar drogën ku një pjesë është importuar direkt nga Spanja, nëpërmjet korrierëve me origjinë rumune.