Rreth 70 milionë euro të takspaguesve shqiptarë ka prokuruar në tendera policia e shtetit prej mesit të muajit shkurt e deri më tani. Nga një kërkim i thjeshtë në faqen zyrtare të Agjencisë së Prokurimit Publik zbulon se në total janë 9 tendera me objekte të ndryshme, që nga rikonstruksioni i godinave, të marrja me qira e mjeteve për veprimet operacionale për tre vite, e deri te supervizimi i punimeve dhe mirëmbajtja dhe blerja e materialeve për laboratorin e kriminalistikës. Vlera në lekë e këtyre tenderave është pak më shumë se 852 milionë lekë, ku pak më shumë se gjysma janë vënë në dispozicion si fond limit për dy tendera. I pari është rikonstruksioni dhe ndërtimi i objekteve të Drejtorisë dhe Komisariatit të Policisë së Dibrës, dhe i dyti është tenderi për marrje mjetesh me qira për operacionet e Policisë së Shtetit.