Top News- 62 shkresat me firmën e Arben Krajës/Informon institucionet për zyrtarët që janë nën hetim

Në harkun kohor të një muaji, në prokurorinë speciale, ndryshe SPAK kanë mbërritur 62 kërkesa nga institucionet shtetërore, të cilave u është kthyer përgjigje. Bëhet fjalë për titullarë të ministrive, drejtorive, apo agjencive të tjera shtetërore, të cilat kanë kërkuar informacion në SPAK për hetime të mundshme ndaj vartësve të tyre, të akuzuar, apo denoncuar për veprime korruptive, shpërdorim detyre, apo akuza të tjera që hetohen nga prokurorët e prokurorisë kundër korrupsionit dhe krimit të organizuar.