Policia e kosovës tha se aksioni kundër kontrabandës i zhvilluar të mërkurën në rajonin e prishtinës, Pejës, Mitrovicës së jugut dhe Mitrovicës së veriut, ka përfunduar . Tetë persona janë arrestuar gjatë aksionit. Ndërsa në rajonet e tjera operacioni ka kaluar pa probleme, në Mitrovicën e veriut, grupe kriminale, në mënyrë të organizuar u grumbulluan, bllokuan rrugët me mjete transporti, përdorën bombula gazi, bomba tymuese e madje pati edhe të shtëna me armë zjarri e granata dore, me qëllim, pëngimin dhe sulmin ndaj zyrtarëve doganorë dhe të policisë që ishin duke kryer detyrën e tyre zyrtare. Si pasojë, policia konfirmon se gjashtë policë janë lënduar, prej tyre 5 shqiptarë dhe një serb. Të lënduar ka edhe mes personave që kryen sulmin, me burime nga spitali i mitrovicës që thonë se gjashtë vetë kanë kërkuar ndihmë pas lëndimeve trë marra. Brenda disa orësh, sidoqoftë, situata edhe në mitrovicën e veriut u qetësua ndërsa policia tha se u sekuestruan mallra të kontrabanduara me vlerë qindra e mijëra euro.