Të paktën tre persona janë vrarë pasi një bandë e armatosur lidhi pengjet mbi dhe përreth makinave për ti përdorur ata si mburoja njerëzore pas një grabitjeje në bankë. Rreth 50 gravitës, të armatosur me automatikë, bomba dhe dronë, besohet se kanë sulmuar thuajse cdo bankë në qendër të Aracatuba-s, në Brazilin jugor, në një seri aktesh të cmendura. Grabitësit, sulmuan policë dhe bllokuan rrugë duke përdorur makina të djegura për të ndaluar mbërritjen e përforcimeve para se të merrnin banorë lokalë si pengje. Imazhet shokuese tregojnë bandën që rreshton pengjet nëpër rrugë, para se ti lidhnin ata mbi makina dhe në pjesët anësore të tyre, për tu larguar nga vendngjarja. I gjithë qyteti tani është vënë në izolim dhe policia ka paralajmëruar se bomba janë vendosur nëpër rrugë, me banorët lokalë që janë paralajmëruar të qëndrojnë brenda shtëpive të tyre. Një foto madje tregonte edhe një bombë të sofistikuar të lënë në një rrugë, me një sensor lëvizjesh të lidhur me të, cka tregon se ajo mund të shpërthejë nëse dikush i afrohet. Policët thanë se një i dyshuar është mes viktimave gjatë grabitjes së paimagjinueshme. Tre persona të tjerë ndërkohë janë plagosur në incident.