Ukraina po përjeton ditën e pestë të agresioinit rus, i cili është shoqëruar me sanksione masive ndaj Rusisë nga vendet e Bashkimit Europian dhe SHBA, mijëra refugjatë ukrainas që braktisin vendin e tyre apo edhe protesta masive kundër akteve pushtuese të Vladimit Putin. Teksa ky i fundit, nuk ka shfaqur asnjë shenjë tërheqje nga planet ambiocize të pushtimit të Ukrainës, ‘The Atlantic’ ka publikuar pesë skenarët e mundshëm të vijimësisë së luftës në Ukrainë. Skenari i parë, është që Putin të sprapset dhe të tërheqë trupat ushtarakë nga territoret ukrainase. Nisur nga protestat e qytetarëve ruse, të cilët kundërshtojnë vendimet e udhëheqësit të tyre Putin, rënia e aksioneve ruse në tregjet financiare, rënia e monedhës ruse, goditja e biznesmenëve rusë apo edhe bllokimet e llogarive të Putin, mund të bëjnë që ushtria ruse të tërhiqet. Ky është një skenar që shumë analistë e kanë parashikuar, duke u nisur nga Lufta e Irakut, përvoja e SHBA-së me Afganistanin apo edhe përvojën sovjetike me Afganistanin. Vendosja e një qeverie kukull në krye të Ukrainës është një tjetër skenar i mundshëm për lojën luftarake të Putin. Në këtë skenar, objektivi është thjesht rrëzimi i qeverisë ekzistuese në Ukrainë, me Volodymyr Zelensky dhe vendosja e një qeverie pro ruse. Pushtimi i Ukrianës është skenari i tretë që parashikojnë analistët e The Atlantic. Ukraina nuk do të ekzistonte më si një shtet i pavarur duke u aneksuar apo pushtuar nga Rusia, sikuse ndodhi me Krimenë në vitin 2014. Nisur nga retorika dhe fjalimet e Putin, duke se ky është synimi i tij kryesor. Megjithatë nëse analizohet mes reshtave të fjalimeve të Putin, bie në sy ambicia dhe dëshira e tij për të rikrijuar Bashkimin Sovjetik. Skenari i katërt parashikon se Putin nuk do të mjaftohet vetëm me Ukrainën, por do të vijojë agresionin e tij, me shtetet e tjera, si Moldavia, Bjellorusia dhe Gjeorgjia, të cilat dikur ishin pjesë ose e Bashkimit Sovjetik ose e Perandorisë Ruse. Pra, në afat të shkurtër, ky skenar nënkupton se Putinin do të lëvizë në lindje dhe në jug të Ukrainës në vende si Moldavia dhe Gjeorgjia, dhe këto pushtime të mëtejshme do ushqejnë ambiciet e Putin për një perandori të zgjeruar ruse.