Kur kanë kaluar vetëm 48 orë nga marrja e vendimit për pezullimin deri në përfundim të hetimit administrativ të gjyqtares, që njihet tashmë për videot e saj të Tik Tok, Këshilli i Lartë Gjyqësor ka gjetur zëvendësuesin. Në vend të Enkeleda Kapedanit, në krye të Gjykatës së Elbasanit është emëruar gjyqtarja Matilda Fetau. Enkeleda Kapedani ish-gjyqtarja e Gjykatës se Elbasanit u shkarkua nga detyra pasi në media qarkulluan disa video në platformën tik tok, të cilat u konsideruan si jo etike dhe madje cënim i sistemit të Drejtësisë. Në videot e publikuara Kapedani shfaqej duke bërë sfilatë dhe duke dëgjuar këngë me fjalët mafia në brendësi të tekstit. Ndërsa në një video tjetër, Kapedani shihej duke ngarë makinën e saj luksoze me shpejtësi dhe duke parakaluar gabimisht. Por, tanimë që Kapedani u pezullua për shkak të mungesës së seriozitetit në punë, vendin e saj e zuri Fetau. Në seancën gjyqësore, ish-gjyqtarja u përlot teksa foli për arsyen e publikimit të videove në ambientet e punës. Madje, ai tha se po kryqëzohet dhe se po e bënin kokë turku. Kapedani gjithashtu shtoi se shijet e saj muzikore nuk kanë ndikim në vendimet e marra në gjykatë.