Mosha mesatare e jetëve të humbura nga Covid-19 në vend ka ardhur në rritje për të dytin muaj radhazi, çka tregon se është ulur vdekshmëria tek moshat e reja. Sipas të dhënave të raportuara cdo ditë nga Ministria e Shëndetësisë dhe të përpunuara nga “Monitor”, mosha mesatare e jetëve të humbura nga koronavirusi deri më 5 tetor, kur numëroheshin gjithsej 400 viktima ishte gati 69 vjeç. Në 3 shtator, kur numëroheshin gjithsej 301 viktima, mosha mesatare ishte 67.9 vjeç. Në krahasim me përpunimin e fundit të datës 28 korrik, kur mosha mesatare u ul në 66.8 vjeç, teksa virusi filloi të zbriste te moshat e reja, ka një rritje me 2 vjet. Petrit Malaj, mjek pneumolog pohon se nga njëra anë virusi është bërë më pak agresiv, dhe nga ana tjetër është shtuar dhe sensibilizimi i njerëzve që janë të prirur të mbrohen më shumë. Më parë, humbjet më të mëdha të jetëve i përkisnin një grupmoshe më të re, nga 60-69 vjeç, e cila deri në 3 shtator zinte 32% tw vdekjeve.