Duke reaguar pas sulmeve të ashpra të moskës, gjatë natës së shkuar, presidenti ukrainas Volodymyr Zelenskyy tha se "Rusia duhet të mbahet përgjegjëse për to" dhe i kërkoi SHBA-së dhe Evropës të ushtrojnë më shumë presion mbi Moskën. "Ne duhet të veprojmë me vendosmëri," tha Zelenski. “Që nga minuta e parë e kësaj lufte, ata kanë sulmuar qytete dhe fshatra për të shkatërruar jetë. Ne kemi bërë shumë së bashku me botën për t'i mundësuar Ukrainës të mbrohet. Por tani është pikërisht momenti kur Amerika, Evropa dhe të gjithë në mbarë botën ta ndalojnë këtë luftë duke ushtruar presion mbi Rusinë”, shkroi Zelenski. Nëse nuk ushtrohet presion mbi rusinë, i jep luftës më shumë kohë për të marrë jetë njerëzish dhe kjo është bashkëfajësi dhe përgjegjësi. Ne duhet të veprojmë me vendosmëri, tani”-përfundoi ai. Presidenti ukrainas zbuloi se Rusia përdori mbi 400 dronë dhe 40 raketa, përfshirë raketa balistike, në sulmin gjatë natës i cili "shënjestroi pothuajse të gjithë Ukrainën". Të paktën tre persona u vranë dhe 49 të tjerë u plagosën, tha ai, por ky numër mund të rritet ende pasi "njerëzit po kërkojnë ndihmë". Më herët gjatë të premtes, autoritetet e Kievit raportuan për katër të vdekur, duke treguar një nivel konfuzioni në lidhje me numrin e viktimave.