Muaji shkurt ka shënuar një kriminalitet të frikshëm jo për nga shifrat, por lloji i vrasjeve që kanë ndodhur. Nga njëra anë janë ato vrasje, për të cilat parandalimi është një mision i pamundur dhe nga ana tjetër edhe kapja e autorëve mund të jetë një utopi. Muaji shkurt nisi me një vrasje tipike mafioze, sikurse ishte ekzekutimi në mes të Fierit i Shkëlzen Kastratit. Vrasësit e qëlluan, teksa ai ndodhej në makinën e tij në një rrugë të Fierit. Ndonëse është deklaruar zyrtarisht se autorët janë identifikuar dhe ndaluar disa të shoqëruar, ende nuk ka asnjë emër vrasësi, thjesht dyshime të paprovuara deri më tani.