Ish-kryeministri Sali Berisha vijoi denoncimin e asaj që e konsideron si masakra elektorale e 11 majit. Këtë të martë ai hodhi akuza në drejtim të Komisionit Qendror të Zgjedhjeve dhe komisionerit Ilirjan Celibashi. Sipas tij 350 kuti votimi janë marrë para zgjedhjeve nga magazinat e KQZ-së, për tu dërguar në një vendnodhje tjetër të administruar nga një ish-deputet I PS. Ne me durim pritëm se Celibashi të dëshmojë se nuk është pjesë e këtij skenari të zhdukjes së kutive të votimit për qëllime të manipulimit elektoral, Celibashi gjer sot nuk ka kthyer. Por ne kemi mundësi të faktojmë çdo gjë. …. Megjithatë ne po e ndjekim, ne disponojmë dokumente, fakte të pakundërshtueshme se sa janë marrë, kur janë marrë, ku kanë shkuar, ku janë vendosur, që të gjitha. Por është mirë që Celibashi të bëjë transparencën në pozicion ku është. Ndërkohë I pytur sërish për nenin Basha, Berisha tha se ai vlen kur ka zgjedhje, e jo farsë elektorale.