Rojet mjedisore në mbarë botën festojnë sot ditën e tyre. Por kjo ditë në Shqipëri I gjen një pjesë të rojeve mjedisore në krah të forcave të zjarrëfikëse dhe forcave të armatosura që punojnë për të shuar flakët në zonat e mbrojtura ku zjarret po fshijnë nga harta dhjetëra ha me pyje e kullota, duke dëmtuar rëndë edhe biodiversitetin. Në zonat më të qeta, në këtë ditë, rojet mjedisore kujdesen për të rritur ndërgjegjësimin për mbrojtjen dhe zhvillimin e qëndrueshëm të pasurive natyrore të Shqipërisë. Stafi i zonës së mbrojtur në Dibër ka bërë sot shënimin e shtegut dhe ka vendosur tabela informuese në monumentin e natyrës, "Burimi dhe Shpella e Sopanikës", ndërsa në Berat rojet mjedisore janë angazhuar për të bërë pastrim të territorit në Kanionet e Osumit dhe në Ujëvarën e Bogovës. Ndërsa në parkun Kombëtar Shebenik, Fatos Koka sapo i është bahkuar stafit duke I bërë më I riu ndër rojet mjedisore Zonat e mbrojtura në Shqipëri kanë rreth 110 roje mjedisore të cilët angazhohen në ruajtjen e pyjeve, biodiversitetit, zhvillimi të qëndrueshëm të turizmit, apo edhe rasteve të shkeljes së ligjeve, në mbrojtje të mjedisit. Bashkë me rojet mjedisore në zona të mbrojtura të cilat zënë 21% të sipërfaqes së vendit janë edhe rreth 180 specialistë, të cilët monitorojnë dhe menaxhojnë zonat e mbrojtura.