65.5 milionë euro asete janë sekuestruar dhe konfiskuar nga prokuroria e posaçme përgjatë vitit të kaluar. Shifra del në raportin vjetor të punës që SPAK ka depozituar në Kuvendin e Shqipërisë. Nga kjo shifër, 36.8 milionë euro janë asete të konfiskuara, ndërsa 28.7 milionë euro janë bllokuar dhe në pritje të një vendimi të formës së prerë nga gjykatat për t’u konfiskuar, ose jo. Raporti i SPAK thotë se 30 milionë euro janë pasuri të sekuestruara dhe konfiskuara nga zyrtarët e lartë, ndërsa pjesa tjetër janë pasuritë e krimit të organizuar.