Kodi Penal në Republikën e Shqipërisë ka pësuar ndryshime të vazhdueshme ndër vite. Në disa raste janë forcuar dënimet për disa vepra penale, ndërsa ka edhe disa vepra të tjera, që janë parashikuar të dënohen më pak. Në draftin e ri të ndryshimeve në Kodin Penal është parashikuar një ndryshim thelbësor dhe që ka të bëjë me dënimet nga Gjykata të personave që kanë kryer një vepër penale të lehtë, e cila e ka tavanin e dënimit deri ne 3 vite burg. Pikërisht për këtë lloj dënimi, izolimin në qeli mund ta shmangësh dhe dënimin mund ta konvertosh në pagimin e një shume të hollash në favor të shtetit. Kjo është një nga risitë që është parashikuar në kodin e ri penal dhe është futur në draftin final të tij që do të paraqitet së shpejti për konsultim publik. Ekspertet kanë përcaktuar se vendimi për konvertim te dënimit jepet nga gjykata, kur konstatohet se autori paraqet rrezikshmëri të ulet shoqërore dhe kur kërkohet nga vetë i akuzuari. Në ligj është parashikuar që për çdo një ditë dënimi me burg të paguhet 5 mije lekë të reja. Në rast se shuma e te hollave nuk paguhet brenda 10 ditëve nga momenti kur vendimi ka marrë formë të prerë, vendimi i Gjykatës mund te revokohet me kërkesë të prokurorisë duke u rikthyer në dite burgu. Por nga kjo dispozitë nuk aplikohet nëse vepra penale është kryer nga nënpunësit publike, për të akuzuarit për korrupsion , krime kundër drejtësisë , kundër personit apo edhe kundër dhunës në familje.