Në vendin tonë sërish është regjisgtruar një numër I lartë infektimesh nga Covid 19 në 24 orët e fundit. Ministria e Shëndetësisë ka bërë me dije se në 24 orët e fundit janë kryer 5901 testime, nga të cilat 895 qytetarë kanë rezultuar pozitivë me Covid 19. Shifër kjo që dita ditës vijon të rritet. Tirana vijon të jetë qarku më I rrezikuar, ku vetëm në 24 orët e fundit janë shënuar 275 raste të reja. Në njoftimin zyrtar gjithashtu bëhet me dije se 3 persona kanë humbur jetën në betejën me virusin e rrezikshëm. Viktimat janë një 65-vjeçar nga Shkodra, një 68-vjeçar nga Tirana dhe një 84-vjeçar nga Durrësi. 2 mijë e 508 qytetarë e kanë humbur betejën me Covid, që prej fillimit të pandemisë në vendin tonë. Po në këtë hark kohorë janë shëruar 519 qytetarë, duke e çuar numrin e të shëruarve në 135 mijë e 321 që prej fillimit të pandemisë. Në Spitalin Infektiv po marrin trajtim 114 pacientë, nga të cilët 19 janë në gjendje më të rënduar. Aktualisht janë 11 mije e 288 pacientë aktivë në të gjithë vendin.