Të Arrestuar: Arbër Saraseli, 31 vjeç/ Saverjo Imeraj, 22 vjeç/ Qemal Pekmezi, 19 vjeç/ Bychkovi Serhii, 43vjeç/ Senkevych Serhii, 62 vjeç Në kërkim: Gregor Likaj, 33vjeç Afro 1 ton kanabis e cila po transportohej nga Shqipëria drejt Italisë është sekuestruar nga policia shqiptare në bashkëpunim me Guardia di Financan, Delta Forcën dhe Kufitaren në një operacion ndërkombtar të koduar ‘Syri’. Si rrjedhojë e tij në pranga ranë 5 persona, mes tyre dy me shtetësi ukrainase. Drejtori I DVP Vlorë, Gentian Berberi ka dhënë më tepër detaje rreth operacionit në fjalë. Në operacion u përfshinë rreth 250 efektivë policie, ndërsa kontrollet u kryen nga toka,deti e ajri. 3 personat e arrestuar nga policia e Vlorës kanë bërë transportimin e drogës të ndarë në 3 skafe, ku në total janë 992 kg kanabis, të ndara në 153 pako. Burimet nga policia e Vlorës bëjnë me dije se njëri prej të arestuarve është me precedentë të maëparshëm penalë.