Policia e Kukësit ndaloi një 25-vjeçar të dënuar me katër muaj burgim nga gjykata e Kukësiut për veprën penale të dhunës në familje. Shtetasi i arrestuar është Florin Lusha. Ai është shpallur fajtor për dhunë në familje, pasi vitin e kaluar, një familjar i tij e ka denoncuar në polici për ushtrim dhune fizike dhe psikologjike. Gjykata e gjeti fajtor opas shqyrtimit të çështjes dhe e dënoi me gjashtë muaj burgim, por për shkak të gjykimit të shkurtuar, ndaj të riut u caktua katër muaj burgim. Ndërkohë, në Vaun e Dejës është proceduar penalisht po për dhunë në familje një 24-vjeçare. E reja me inicialet K.J., banuese në fshatin Pistull dyshohet se ka ushtruar dhunë ndaj bashkëshortit të saj. Policia e Vaut të Dejës thotë se referoi materialet në Prokurori, ku nisi procedimi në gjendje të lirë për 24-vjeçaren.