Policia e Tiranës ka zbuluar një banesë ku ishin magazinuar lëndë lëndë piroteknike të kontrabanduara, që dyshohet se do t’ia shiteshin pjesëmarrësve në protestat e ditëve të fundit në kryeqytet. Gjatë operacionit të koduar “Fireëorks”, uniformat blu kanë vënë në pranga 24-vjeçarin me iniciale E. R.. Si rezultat i kontrolleve, bazuar në informacionet e marra në rrugë operative për një shtetas që kishte magazinuar në banesë sasi të konsiderueshme lëndësh piroteknike, me qëllim përdorimin për qëllime të kundërligjshme, policia ka sekuestruar 344 kuti me lëndë piroteknike të ndryshme, me vlerë rreth 40 000 euro. Sipas njoftimit zyrtar të Policisë, kontrollet u ushtruan në katin e parë të banesës së 24-vjeçarit, në rrugën “Jargavani”. Autoritetet njoftojnë se kontrollet dhe veprimet hetimore vijojnë për identifikimin e personave të tjerë të përfshirë në këtë veprimtari të paligjshme, si dhe për dokumentimin e plotë ligjor të rastit. Materialet procedurale iu referuan Prokurorisë së Tiranës, për veprime të mëtejshme.