Shqipëria përballet çdo verë me zjarre të qëllimshme nga Veriu në Jug të vendit, një pjesë e të cilave janë me qëllimin e tjetërsimit të tokës pyjore në tokë bujqësore. Edhe pse zjarrvënia e qëllimshme është vepër penale sipas Kodit Penal, dënimet kanë qënë të pakonsiderueshme. Sipas nenit Neni 206/a të këtij kodi kjo vepër penale dënohet deri në 20 vjet burg: Ndërsa zjarrvënia në pyje ose e çdo njësie të ngjashme, me zjarr, dënohet me burgim nga pesë deri në tetë vjet. Po kjo vepër, e kryer me qëllim ndryshimin e kategorisë të tokës, nga zonë pyjore në zonë bujqësore, dënohet me burgim nga pesë deri në pesëmbëdhjetë vjet. Po ashtu, kur zjarrvënia ka shkaktuar pasoja të rënda për pronën, shëndetin ose jetën e njerëzve dënohet me burgim nga dhjetë deri në njëzet vjet.