Të paktën 20 qytetet janë cilësuar si të rrezikshëm dhe problematikë për një sërë faktorësh, duke filluar nga korrupsioni, pastrimi i parave e deri tek kartelat kriminale të drogës. Pikërisht për këtë arsye, disa qytete të caktuara po mbahen peng. Këshilli Qytetar për Sigurinë Publike dhe Drejtësi Penale të Meksikës me ndihmën e Shteteve të Bashkuara të Amerikës, ka përgatitur një listë në të cilën renditen qytetet me rrezikshmëri më të lartë në të gjithë planetin, bazuar në numrin mesatar të vrasjeve të regjistruara për çdo 100 000 banorë. Sipas të dhënave, rajonet me kriminalitetin më të lartë janë grupuar në Afrikën e Jugut dhe në disa zona të Amerikës së Jugut dhe të Veriut. Kjo pasi në këto vende janë kryer një sërë vrasjesh makabre por edhe ngjarje të tjera të llojit kriminal, duke bërë kështu që të cilesohen si vende me rrezik të lartë.