U desh që Shqipëria të përfshihej në një skandal sic ishte ajo e rrjedhjeve të pagave apo e të dhënave personale në prag të zgjedhjeve parlamentare të vitit 2021, që qeveria të miratonte një projektligj, i cili do të dënonte cdo kënd që kryen një shkelje të tillë. E pra, vendi ynë u përfshi dy herë nga këto skandale, njëherë rreth një vit më parë dhe herën e dytë në muajin dhjetor, ndërsa këtë të martë u propozua një projektligj për mbrojtjen e të dhënave personale nga ministri i drejtësisë Ulsi Manja. “Përmes kësaj nisme ligjore përmbushim një prej detyrimeve që buron nga procesi i integrimit në Bashkimin Evropian, për përafrimin plotësisht të legjislacionit shqiptar me Rregulloren e Përgjithshme të BE për Mbrojtjen e të Dhënave Personale dhe Direktivës për përpunimin e të dhënave personale nga organet ligjzbatuese”.