Partia Demokratike ka denoncuar sot përmes Enkelejd Alibeajt koncesionin për rrugën Milot-Fier, për të cilën deklaron se shqiptarët do të paguajnë 17.4 euro për një udhëtim. Kjo është vjedhja më e madhe e qeverisë në ikje, e planifikuar në kulmin e pandemisë. Kur shqiptarët ishin të tmerruar nga karantina, nga virusi i panjohur, kur mbi 100 mijë prej tyre humbën vendet e punës dhe bizneset falimentuan apo u dobësuan, Edi Rama dhe Belinda Balluku planifikuan t’i vjedhin edhe më shumë. Kostot e rrugës janë shumëfishuar për të rritur çmimin e kalimit të udhëtarëve. 17.4 euro për një udhëtim në një rrugë ku më shumë se gjysma është e ndërtuar me para publike, do të thotë vetëm nxitim për mbyllje pazari. Alibeaj e cilësoi koncesionin si masakër financiare për qytetarët para zgjedhjeve, ndërsa u shpreh se ka vetëm një ofertues. Sipas ish deputetit te PD, projekti 1.2 miliardë euro me të cilin Rama vjedh shqiptarët eshte i destinuar të dështojë Në zyrat e qeverisë shqiptare këto ditë po përgatitet farsa e një tjetër koncesioni, i destinuar të dështojë. Rruga Milot-Fier, me çmimin stratosferik 1.2 miliard euro, ka vetëm një ofertues dhe kjo është kompania greke Terna. Me kushtet e vendosura nga qeveria në ikje, koncesioni është një masakër financiare për qytetarët. Qeveria në ikje kërkon që çdo automjet që kalon në këtë rrugë, të paguajë të paktën 17.4 euro për një udhëtim vajtje-ardhje. Partia Demokratike i ka bërë thirrje çdo kompanie të tërhiqet nga ky projekt që vjedh qytetarët në ortakëri me Edi Ramën. Në rastin e Milot-Fier gjithçka vjen era korrupsion dhe vjedhje!