Trafikantët e klandestinëve kanë bërë një ulje verore të cmimit për të kaluar në mënyrë ilegale kanalin anglez në një gomone...1500 paundë për person është cmimi që i ofrohet sipas Daily Mail shqiptarëve dhe që reklamohet në TikTok me premtimin: Francezët nuk do t’ju ndalojnë, përkundrazi, do t’ju shoqërojnë të sigurt deri sa të arrini në Britaninë e Madhe. E në mesin e ujërave të qeta dhe temperaturave të ngrohta, asnjëherë nuk ka patur cmime më të lira se sa tani me ofertat që shpërthejnë në mediat sociale dhe ekspertët që zbulojnë se të paktën një e treta e 3 mijë emigrantëve që kanë kaluar nga franca në britani gjashtë javët e shkuara ka përfituar pikërisht nga një prej këtyre propozimeve. Ligjvënësit britanikë i kanë kërkuar qeverisë të dyfishojë përpjekjet për deportimin e emigrantëve në Ruanda pas një rritjeje të numrit të shqiptarëve që përdorin barkat e vogla për të hyrë në britani, të joshur me ulje cmimesh dhe me premtimin: “Nxitoni Shqiptarë...Anglia po ju pret!’ Cmimi për kalimin e kanalit duket se ka rënë nga rreth 20 mijë paundë që ka qenë më herët në 5 deri në 3500 paundë për person. Në disa raste madje, cmimi është ulur deri në 1500 paundë për të mbushur gomonet që zbarkojnë në brigjet e Kentit. Një reklamë madje nënvizon: Mos paguaj 17 apo 18 mijë paundë. Kalime ka cdo ditë dhe asnjëherë nuk ka qënë me lirë se kaq”. Një tjetër reklamë tregon një grup njerëzish në një gomone, që mbajnë flamuj shqiptar dhe premton kalim të sigurt në Britani për 5 mijë paundë.