Policia e shteti ka bërë bilancin ku gjatë kësaj jave janë arrestuar dhe proceduar penalisht 469 persona nga të cilët 133 kanë rënë në pranga ndërsa 27 janë shpallur në kërkim. Sipas njoftimit të policisë gjatë kësaj jave janë finalizuar 37 operacione të cilat kanë çuar në sekuestrimin e sasive të ndryshme lënde narkotike të dyshuara kanabis, kokainë, ekstazi, MDMA, fidanë dhe bimë të dyshuara narkotike kanabis, mallra të ndryshëm të dyshuar të kontrabanduar, 3 peshore elektronike, 97 aparate celulare, 1 tablet, 2 laptopë, 2 aparatura DVR, 12 automjete, 2 palë portotarga elektrike për fshehjen e targave, 5 paruke, 1 pasaportë e dyshuar e falsifikuar, biçikleta të vjedhura, medikamente që dyshohet se janë të kontrabanduara në vendin tonë, 1 valixhe me çipsa, si dhe shuma parash dhe asete që dyshohet se e kanë burimin nga aktivitete kriminale. Pasuria e sekuestruar e cila dyshohet se rrjedh nga aktivitetet kriminale, shkon në vlerën 2 milionë euro. Ndërkohë po gjatë kësaj jave janë pezulluar 763 leje drejtimi, nga të cilat: 601 për shpejtësi mbi normat e lejuara, 84 për drejtim mjeti, në gjendje të dehur dhe 78 për qarkullim në sens të kundërt. Si pasojë e këtyre kontrolleve janë arrestuar 86 drejtues mjetesh, nga këta: 36 për drejtim mjeti, në gjendje të dehur dhe 50 për drejtim mjeti pa leje drejtimi.