Që prej 9 marsit e deri më tani pandemia në Shqipëri ka shënuar të infektuar dhe viktima nga virusi i tmerrshëm që ka tronditur botën. Ka pasur shumë viktima dhe sipas statistikave zyrtare ato kanë arritur në 743, disa prej të cilëve të njohur edhe publikisht përmes një karriere profesionale, apo një kontributi të njohur nga shumë njerëz. Por, fatkeqësisht e kanë humbur betejën me covid 19 edhe 11 mjekë, dy prej të cilëve vetëm këtë të mërkurë. Bledi Nini në Itali, teksa ishte dërguar për kurim dhe Ibrahim Kaziu janë dy viktimat e radhëve të shëndetësisë, që misionin e tyre të shpëtimit nuk e cuan deri në fund, pasi jeta u pre në mes.