Ligjvënësit vulosën me shumicë parlamentare shkarkimin e presidentit Ilir Meta nga detyra, në seancën plenare të kësaj të mërkure. I njëjti institucion që në korrik të 2017-ës, e votoi dërgimin e Metës në presidencë, këtë të mërkurë bëri krejt të kundërtën, duke kërkuar që ai që ikë nga detyra e kreut të lartë të shtetit. Por, pavarësisht dëshirës, pritet që kjo të bëhet fakt, vetëm në rast se Gjykata Kushtetuese, e cila ka nisur të funksionojë disa muaj më parë, pas presionit të madh të madh të ndërkombëtar, e sidomos trupës së diplomatëve amerikanë dhe evropianë. Në seancën plenare të kësaj të mërkure ishin prezent 114 deputetë. Megjithëse maxhorancës i nevojiteshin vetëm 94 vota për shkarkimin e Metës, ishin plot 104 deputetë që votuan pro raportit të komisionit hetimor dhe po aq edhe pro shkarkimit të tij. Vetëm 7 deputetë e shprehën haptazi si në foltore ashtu edhe në fletën e votimit, votën e tyre kundët shkarkimit të Metës, duke mos i marrë në konsideratë provat dhe shkeljet që ishin argumentuar dhe grupuar nga deputetët e komisionit hetimor parlamentar. Për shkarkimin e kreut të shtetit ishin 3 deputetë të dyzuar në vendimin e tyre, ndaj ata abstenuar votën e tyre. Megjithëse nisma për shkarkimin e Metës u ndërmor nga deputetët e Paritisë Socialiste ishin disa deputetë të kësaj force politike, të cilët për arsye pune nuk ishin prezent. Votimet e kësaj të mërkure, krijuan precendetin e parë në 30 vite demokraci, të shkarkimit të presidentit nga kuvendi i Shqipërisë. Megjithatë kjo seancë siguroi vetëm një shkarkim politik të kryeshtetarit. Është Kushtetuesja, ajo e cila pritet të japë verdiktin përfundimtar dhe të luajë rolin e arbitrit në arenën e tensionuar politike.