I riu që doli nga ujërat në breg të detit është identifikuar. Sokol Shytre, për identifikimin e të cilit nuk pati shumë mundim, për shkak të tatuazheve që ai kishte në trupin e tij nuk është i vetmi i zhdukur pa gjurmë në Vlorë. Prej disa muajsh nga Vlora rezulton i zhdukur dhe Ermal Ngucaj. Ka edhe shumë të tjerë të zhdukur, për të cilët familjarët kanë bërë denoncim dhe kërkojnë ndihmën e autoriteteve të policisë. E vetmja shpresë që i mban gjallë familjarët është ajo e kalimit të kufirit dhe futjes në burg jashtë Shqipërisë. Statistikat janë të frikshme, teksa llogaritet që të zhdukurit ndër shumë vite në Vlorë të arrijnë thuajse në 100 persona, për një pjesë prej të cilëve familjarët nuk kanë bërë denoncime, pasi kanë dyshime se mund të jenë jashtë shtetit të arrestuar për vepra të ndryshme penale.