Presidenti i Brazilit, Jair Bolsonaro, u shtrua në spital të mërkurën pasi kishte më shumë se 10 ditë që vuante nga Lemza. Lajmi u konfirmua nga zyra e tij. 66 vjecari Bolsonaro, pritet të qëndrojë nën vëzhgim nga 24 deri në 48 orë edhe pse jo domosdoshmërisht në spital. Lideri i të djathtës ekstreme u paraqit në spitalin ushtarak në Brazilia të enjten dhe sipas zyrës së tij, ai po ndihet mirë. Mediat lokale raportuan se Bolsonaro ishte shtruar në spital për disa testime mjeksore të paspecifikuara pasi ndjente dhimbje stomaku në orët e para të së mërkurës. Në një fjalim para kombit, në mediat sociale, të enjten e shkuar, Bolsonaro e pati të vështirë të shprehej dhe në një pikë ai tha se kishte një javë që vuante nga lemza. Shendeti i Bolsonaroës ka qenë në qendër të diskutimeve shpesh herë gjatë presidencës së tij. Ai thuajse vdiq pasi u ther me thikë në stomak ndërsa ishte në fushatë në 2018-ën, cka u ndoq nga disa ndërhyrje kirurgjikale në vijim. Ai ishte lënduar rëndë dhe në sulm humbi 40 për qind të gjakut. Ekspertët thonë se lemza mund të jetë e lidhur me irritimin e ezofagut pas një operacioni në stomak. Bolsonaro u prek edhe nga koronavirusi korrikun e kaluar, por u shërua.