Zonja e parë e SHBA, Jill Biden erdhi sot në pallatin mbretëror në Tokio për një takim me perandorin e Japonisë, Naruhito, para ceremonisë së hapjes së Lojrave Olimpike 2020 në Tokio. Jill Biden, e cila kryeson delegacionin diplomatik të SHBA në lojrat e Tokios, mbërriti në bazën ajrore të Yokota. Ajo u prit nga ministri i jashtëm japonez dhe më pas u takua me kryeministrin Minister Yoshihide Suga e gruan e tij Mariko Suga. Biden ishte në ceremoninë e sotme të hapjes së Lojrave e shoqëruar nga Raymond Greene, i ngarkuari me punë i SHBA, në mungesë të ambasadorit. Tokio ka raportuar së fundmi një rritje të rasteve me koronavirus dhe ruan gjendjen e emergjencës së pandemisë deri të paktën më 22 gusht. Lojrat Olimpike përfundojnë më 8 gusht.