Top Channel/ Zjarri përfshin parcelat e rrugës Lezhë-Milot/ Nuk ka zjarrfikës, angazhohen banorët

Disa vatra të tjera zjarri janë aktivizuar në Lezhë, ndërsa kanë përfshirë edhe parcelat anësore të segmentit rrugor Lezhë-Milot. Zjarri po favorizohet nga era e fortë dhe kalimi po bëhet vetëm me një sens, ndërsa janë krijuar radhë të gjata trafiku. Sipas informacioneve, po punohet vetëm me një zjarrfikës, ndërsa rrezikohet një banesë. Janë angazhuar banorët dhe një biznes pranë për fikjen e zjarrit pasi nuk ka forca zjarrfikëse në pjesën e rrugës.