Serbët që jetojnë në veri të Kosovës, përkatësisht në katër komunat ku do të mbahen zgjedhjet e parakohshme kanë kushte për hapat që duhet në ndiqen. Ata deklaruan për KosovaPress se duan që fillimisht të krijohet Asociacioni i komunave me shumicë serbe, policia të tërhiqet nga veriu, të lirohen të gjithë të burgosurit serbë, si dhe kryetarët shqiptarë të komunave të tërhiqen, në mënyrë që të marrin pjesë në zgjedhjet që do të organizoheshin nga Qeveria e Kosovës. Svetomir Boshkoviç, qytetar nga veriu i Mitrovicës, deklaroi se mbajtja e zgjedhjeve në veri është e nevojshme, por pasi të plotësohen të gjitha kushtet të cilat serbët ka kohë që po i kërkojnë. Sinkron: Svetomir Boshkoviç, qytetar nga veriu i Mitrovicës (video 1) “Është e duhur që zgjedhjet të mbahen, por ka kushte që së pari duhen plotësuar. Të tërhiqen të gjitha forcat policore, të lirohen hapësirat komunale dhe arsimore. Kusht është poashtu formimi i Asociacionit të komunave me shumicë serbe”. Edhe Lubomir Miljkoviç, e ka kushtëzuar pjesëmarrjen në zgjedhje, teksa ka përmendur lirimin e të gjithë të burgosurve serbë, si kusht për të dalë në zgjedhje.