Kanë kaluar 5 vite nga themelimi i Reformës në Drejtësi, ndaj ambasadorja e SHBA, Yuri Kim tha se shumë persona nuk kanë dashur që kjo reformë të bëhet, por duhet ecur në këtë drejtim në mënyrë që sistemi në drejtësi të funksionojë për të gjithë. Ndërsa Kim shprehu me bindje se mbështetja e SHBA për Shqipërinë do të vijojë edhe në administratën e Joe Biden. Ambasadorja amerikane shtoi se ka ardhur koha që të mbizotërojë drejtësia në Shqipëri pasi është bërë shumë progres deri tani dhe duhet të vijojë. Një mesazh të qartë dha dhe për ata që mendojnë se janë të fuqishëm duke thënë se “askush s’është mbi ligjin”.