në qiellin e Catania-s në Siçili është ngritur një shtëllungë rreth 10 km e lartë pas riaktivizimit të vulkanit etna. në pamje vërehej porti i lashtë i qytetit që lihej në hije nga reja e një prej vullkaneve më aktivë të botës. Aeroporti Vincenzo Bellini, i dyti më i madh në Siçili, u mbyll përkohësisht pak pas mesditës së të hënës dhe fluturimet e brendshme u devijuan drejt Palermos. Hiri i vullkanit kishte mbuluar ballkonet dhe tarracat e qytetit, tha agjencia italiane e mbrojtjes civile. Ishte regjistruar një rritje graduale e dridhjeve vullkanike, çka do të thotë se Etna mund të jetë pranë një tjetër shpërthimi spektakolar llave. Mali Etna 3,324 metra i lartë mban një nga vullkanet më aktive në Evropë, me shpërthime të shpeshta në 500,000 vitet e fundit.