Top Channel/Vuçiç shfryn inatin mbi shqiptarët e Luginës së Preshëves, paralajmëron Shaip Kamberin!

Pas akuzave të opozitës për “tradhëti” me ndryshimin e kursit ndaj Kosovës dhe pranimin e planit franko-gjerman, presidenti i Serbisë Aleksandar Vucic kërkoi të tregonte se nuk është zbutur aspak me shqiptarët. Në seancën e së premtes në parlament, Vucici paralajmëroi deputetin shqiptar Shaip Kamberi, i cili është njeherazi kryetar i Partisë për Veprim Demokratik, që të mos shohë ëndrra të rrezikshme dhe të mos mendojë për asnjë moment se shqiptarët e Luginës së Preshevës mund të bëjnë atë që bënë pas vitit 2000, sic tha ai. Kamberi u shpreh gjatë fjalës së tij se serbët e kanë të vështirë të pranojnë realitetin, ndërsa Vucici kaloi në ofendime, duke e quajtur “Megafonin e Albin Kurtit”. “Ajo që po thotë është politikë e Kurtit dhe jo e dikujt tjetër”, u shpreh presidenti serb që e përshkroi fjalimin e Kamberit si një përpjekje për të barazuar të drejtat e serbëve në Kosovë dhe ato të shqiptarëve në Serbi. “Nuk ka krahasim sepse nuk janë dy vende, nuk kanë të njëjtin status juridik, nuk kanë të njëjtin pozicion në procesin e negocjatave, domethënë nuk ekzistojnë fare në procesin e negociatave”, u shpreh ai. Një prej kushteve që Kurti paraqiti për themelimin e Asociacionit të Komunave me shumicë serbe në Kosovë ishte që “të drejtat e pakicave kombëtare dhe mekanizmat mbrojtës përkatës duhet ta ngërthejnë parimin e reciprocitetit ndërmjet dy shteteve respektive, si dhe të marrin parasysh standardet dhe modelet europiane”.