Tre nga djemtë dhe 4 nipërit e shefit të Hamasit Ismail Haniyeh, raportohet të jenë vrarë gjatë një sulmi izraelit në Gaza. Deklaratën e bëri vetë kreu politik i grupit militant palestinez me bazë në Katar. Sipas Al Jazeeres, një dron ka goditur makinën ku ndodheshin tre djemtë, të cilët u vranë bashkë me anëtarë të tjerë të familjes, kur u automjeti i tyre u vu në shënjestër të forcave izraelite në kampin e refugjatëve Al-Shati të Gazës veriore. Duke folur nga një spital në Doha, Haniyeh ishte sfidues. Ai argumentoi se duke vënë në shënjestër të afërmit e udhëheqësve të Hamasit, "pushtuesit izraelitë”, sic i quajtu ai, besojnë se do të thyejë vendosmërinë e popullit palestinez”. Lideri i Hamast shtoi se, veprime të tilla nuk e detyrojnë Hamasin të lirojë pengjet izraelite. "I gjithë populli ynë dhe të gjitha familjet e Gazës kanë paguar një çmim të rëndë, kanë derdhur gjakun e tyre dhe unë jam një prej tyre," shtoi Haniyeh. Ai tha për Al Jazeera se në total "60 anëtarë të familjes së tij ishin martirizuar”. Sulmi, për të cilin Izraeli nuk ka komentuar ende, erdhi pasi nuk kishte shenja përparimi në përpjekjet ndërmjetësuese të udhëhequra nga Shtetet e Bashkuara, Egjipti dhe Katari, që kërkonin fundin e luftës. Luftimet në Gaza kanë vrarë të paktën 33,482 njerëz, kryesisht gra dhe fëmijë, sipas ministrisë së shëndetësisë së drejtuar nga Hamasi. Pamjet: AFP