Turizmi ne Vlorë po merr pak frymë për shkak të fluksit në rritje të pushuesve. Por bizneset, kryesisht ato përgjatë shëtitores së re, nuk po arrijnë të punojnë për shkak se ndalohen me forcë nga policia. Çdo mbrëmje në orën 22 ata duhet të ndalojnë muzikën, dhe ne mesnatë të mbyllin lokalet edhe pse rrugët janë plot. Dje në mbrëmje bizneset nisën protestën e tyre shumë origjinale. Në orën 22 kur duhet ndalur muzika ata kanë vendosur himnin kombëtar. Megjithatë policia ka ndërhyrë për të ndalur muzikën. Ndërhyrja ka qenë e dhunshme dhe janë shoqëruar edhe disa administratorë lokales.