Kryeministri britanik Keir Starmer e ktheu kërcënimin në rritje që paraqesin grupet e ekstremit të djathtë në kartën e bashkimi të forcave me BE-në, duke kërkuar që të punojnë së bashku për të përballuar këtë sfidë. Britania u përfshi nga protestat kundër emigrantëve në fillim të muajit, pasi një sulm vdekjeprurës me thikë në një klasë vallëzimi për fëmijë u pasua nga pretendimet e rreme, të mbështetura nga elementët e së djathtës ekstreme, se sulmuesi ishte një azilkërkues mysliman.Duke folur gjatë një vizite në Gjermani, ku Alternativa për Gjermaninë, një parti kundër imigracionit është forcuar ndjeshëm, Starmer tha se populizmi do të zbehet nëse përmirësohen kushtet për njerëzit dhe premtoi se në Britani një gjë e tillë do të realizohet përpara se të përfundojë mandati i tij i parë. Ne në Britani duhet të jemi të vëmendshëm ndaj sfidës të së djathtës ekstreme dhe populizmit dhe nacionalizmit. Ka disa arsye për shqetësimin tim, si ajo që po ndodh në Britani, ose ajo që po ndodh në vendet e tjera evropiane, përfshirë Francën dhe Gjermaninë. Fitorja dërrmuese që shënoi Partia Laburiste e qendrës së majtë e në fillim të korrikut u zbeh ndjeshëm nga trazirat kundër emigrantëve, që përbënë edhe krizën e parë madhore për qeverinë e Starmer, i cili pas ndalesës në Gjermani udhëtoi drejt Francës, ku të ketë bisedime me Presidentin e Francës, Emmanuel Macron.