Gjashtë kandidatë të AfD-së së ekstremit të djathtë të Gjermanisë kanë vdekur në javët e fundit, pak para zgjedhjeve lokale në shtetin e madh perëndimor të North Rhine-Westphalia. Policia e ka bërë të qartë se nuk ka prova për ndonjë akt të paligjshëm në vdekjen e tyre, por kjo do të thotë se do të duhet të shtypen fletëvotime të reja dhe disa votues me postë do të duhet të rihedhin votat e tyre, raporton BBC. North Rhine-Westfalia ka një popullsi prej 18 milionë banorësh dhe raportohet se 20,000 kandidatë do të kandidojnë për poste në zgjedhjet lokale të 14 shtatorit. Megjithatë, numri i vdekjeve ka ngritur pyetje në mediat sociale. Ministria e Brendshme e shtetit ka theksuar se kanë vdekur edhe kandidatë nga parti të tjera, përfshirë të Gjelbrit dhe Social Demokratët. AfD u bë partia e dytë më e madhe e Gjermanisë në zgjedhjet federale të shkurtit, duke u përhapur nga zemra e saj lindore edhe në zonat e perëndimit. Agjencia e brendshme e spiunazhit e ka klasifikuar atë si një organizatë ekstremiste të krahut të djathtë në maj, përpara se të tërhiqte këtë përshkrim për shkak të një apeli që pritej në gjykatë.