Të paktën shtatë persona kanë humbur jetën dhe dhjetëra të tjerë janë plagosur në një seri sulmesh të koordinuara në jugperëndim të Kolumbisë, raportojnë mediat lokale. Sulmet, që përfshinë makina-bomba, motoçikleta të pajisura me eksplozivë, të shtëna me armë zjarri dhe përdorimin e një droni të dyshuar, kanë goditur disa qytete. Sipas Ministrisë së Mbrojtjes së Kolumbisë, janë regjistruar gjithsej 19 sulme: 12 në rajonin Cauca dhe shtatë në Valle del Cauca. Dy oficerë policie janë midis viktimave, ndërkohë që numri i të plagosurve varion nga 28 në mbi 50 persona. Disa media lokale raportojnë se sulmet mund të jenë kryer nga një fraksion i Forcave të Armatosura Revolucionare të Kolumbisë (FARC), megjithatë kjo lidhje nuk është konfirmuar zyrtarisht dhe nuk është verifikuar në mënyrë të pavarur. Në një deklaratë në rrjetet sociale, Ministria e Mbrojtjes përshkroi dhunën si “një reagim të dëshpëruar nga grupet e armatosura ilegale ndaj operacioneve të gjera ushtarake dhe policore që kanë goditur strukturat