Pesë muaj pas marrjes së vaksinës, efikasiteti i saj për mbrojtjen nga Covid 19 bie me 39%: ky është përfundimi i një raporti të Institutit Superior të Shëndetësisë në Itali, i cili ofron shifra konkrete në mbështetje të pretendimeve për rënien e imunitetit të ofruar nga vaksina me kalimin e kohës. Ndërkohë, i njëjti studim tregoi se tek personat që marrin dozën e tretë, efikasitetit i parandalimit të një sëmundjeje të rëndë, rritet ne 77%. Më herët, Pfizer dhe BioNTech njoftuan se tre doza të vaksinës së këtij prodhuesi kundër COVID-19, gjenerojnë efekte neutralizuese edhe kundër variantit të ri të koronavirusit, Omicron.Ky përfundim u nxor pas testimeve intensive që kompania bëri në laborator. Sipas tyre, dy doza të vaksinës rezultuan që kanë më pak efekt në neutralizimin e antitrupave por me dozën e tretë të vaksinës, vërehet rritja e efikasitetit.Kompania mes tjerash shtoi se nëse është e nevojshme, vaksinat që do të kishin për bazë variantin Omicron do të mund të ishin gati deri në mars 2022. Sakaq, sipas Mike Ryan nga OBSH-ja, të dhënat e para dëshmojnë se Omicron nuk i sëmurë njerëzit më rëndë sesa Delta apo variantet tjera.