ushtria suedeze nisi manovrat ushtarake në ishullin strategjik Gotland, në Balltik, pas tensioneve në rajon mes ukrainës dhe rusisë Avionë gjuajtës suedeze Gripen, tanke e topa të rëndë ishin mobilizuar në ushtrimet që shtojnë alarmin e konfliktit. Ndërkohë presidenti ukrainas Volodimir Zelensky i bëri thirrje Perëndimit të shmangë ngjalljen e "panikut". "Kemi sinjale se nesër do të ketë luftë, madje edhe nga lider të respektuar. Përse ky panik? A e kuptoni sa i kushton kjo vendit tonë?”, tha Zelinski. Tentativa e liderit ukrainas për të ulur tensionet vjen pas një komenti të presidentit amerikan i cili tha se “pushtimi i Ukrainës nga Moska do të ndodhë këto ditë”. Por Zelensky tha se rreziku më i madh për Ukrainën është destabilizimi i situatës. Perëndimi thotë se Rusia ka vendosur mbi 100,000 trupa e mjete përgjatë kufirit me Ukrainën dhe kërcënon rusinë me sanksione në rast sulmi. SHBA, Britania dhe Australia kanë larguar familjet e diplomatëve nga ambasadat. Ukraina lufton në një konflikt me separatistët pro-rusë në lindje të vendit që prej vitit 2014. kjo luftë ka marrë më shumë se 10,000 jetë deri tani.