Ministria ruse e mbrojtjes publikonte pamje të ushtarëve rusë që shpërndanin konserva ushqimi në qytetin e kapur së fundmi Melitopol, mes Krikesë dhe rajonit të Donbas. Marrja e kontrollit të qytetit nga Rusia nuk duket se erdhi me përplasje të ashpra dhe ishte nga qendrat e para të populluara që u kontrollua nga ushtria ruse. Zëdhënësi i ushtrisë ruse Konashenkov tha më herët se ushtria po merr masat për të siguruar civilët dhe të evitojë provokimet nga “sabotatorë apo shërbimet speciale të Ukrainës.” Melitopol ka më shumë se 150 000 banorë dhe konsiderohej si hyrja në gadishullin e Krimesë, deri para aneksimit të saj në 2014. Në qytet kalojnë dy autostrada të rëndësishme evropiane, ajo nga Vienna drejt Rostov dhe autostrada E105 nga Jalta drejt Shën Petersburg e Moskës. Qyteti përshkohet gjithashtu nga një hekurudhë elektrike me rëndësi ndërkombëtare.