Pas aksidentit tragjik në Skënderaj që i kushoi jetën tre personave, kryeministri i Kosovës, Albin Kurti, i drejtoi qytetarëve një thirrje që të bëjnë kujdes gjatë qarkullimit në rrugë. “Lajmi për aksidentin rrugor në rrugën rajonale Mitrovicë-Pejë ku humbën jetën 3 persona na jep dhimbje të madhe. Dua të shpreh ngushëllimet e mia më të sinqerta për këtë ngjarje të trishtë, duke iu drejtuar familjarëve të viktimave e duke shpresuar që të kenë forcën për ta përballuar humbjen e tyre, e njëkohësisht uroj shërimin sa më të lehtë dhe sa më të shpejtë për 5 të lënduarit. Besoj se shumë shpejt do të kemi një pasqyrë edhe më të plotë mbi këtë ngjarje”, shkroi ai në rrjetet sociale. Sipas Policisë së Kosovës, du automjete u përfshinë një ditë më parë nëfshatin Çubrel të Skenderajt; njëra prej tyre ishte makinë policie. Kryetari i bashkisë së Pejës, Gazmend Muhaxheri, tha se në aksident kanë humbur jetën anëtarë të familjes Gashi nga ky qytet, dhe e përshkroi këtë si një moment pikëllimi për të gjithë. Lidhur me ngjarjen e rëndë reagoi edhe kryeparlamentari Glauk Konjufca, i cili u shpreh thellësisht i tronditur. Për shkak të përfshirjes së zyrtarëve të policisë policorë në këtë aksident, në hetime është duke marrë pjesë Inspektorati Policor i Kosovës. Mësohet se katër prej pesë të plagosurve, janë policë.