Pas tre ditësh kërkime të pandërprera polumbarët e forcave RENEA gjetën trupin e pajetë të turistit holandez që e u mbyt teksa notonte në kanionet e lumit Osum. 68-vjeçari u gjet pa shenja jete në njërin nga kanionet e lumit. Sipas policisë, ai hyri për të notuar në ujë së bashku me bashkëshorten e tij, 64-vjeçare. Por për shkak të rrjedhës së fortë të ujit, nuk mundi të dalë. Ndërkohë gruaja e tij mundi të shpëtojë. Ajo u paraqit në spitalin e Çorovodës për ndihmë mjekësore ndërsa raportoi dhe ngjarjen e rëndë për autoritetet. Vetëm gjatë kësaj jave humbën jetën katër turistë të huaj. Dy prej të cilëve u rrëzuan në majën e Valbonës ndërsa një gjermane u aksidentua me makinë në aksin Librazhd-Qafë Thanë. si në rastin e Skraparit ashtu dhe atë të Valbonës turistët e huaj ishin duke lëvizur pa guidë.