Rrënoja trupash të anijeve dikur krenare të të Luftës së Parë Botërore, mirëpresin zhytësit në Galipoli, në brigjet perëndimore të Turqisë. Vendi tashmë është kthyer në një muzeum nënujor nga autoritetet. Beteja e fundit madhore për Ngushticën e Dardaneleve ishte një turpërim i forcave britanike e franceze, të cilat u tërhoqën pas disa muajsh lufte me mijëra të vdekur. Megjithse rrjedhimisht Aleatët fituan luftën kundër forcave turke e gjermane, sakrificat e asaj kohe ishin një moment ndërgjegjësimi në formimin e shtetit modern të Turqisë. “Është si një makinë e kohës që të kthen prapa në vitin 1915 dhe në Luftën e Parë Botërore”, thotë Savas Karakas, zhytës e producent dokumentaresh. Ai ishte një nga të parët që u zhyt mes rrënojave pas hapjes për publikun këtë muaj. Disa prej rrënojave gjenden vetëm disa metra nën sipërfaqen e ujit, ndërsa të tjera në më shumë se 80 metra thellësi.