Turizmi, i ndikuar edhe nga rritja ekonomike e Shqipërisë, por dhe spekulimet në tregje po ndikojnë ndjeshëm në cmimet e ushqimeve në vend. Mishin, bulmetrat, vezët apo dhe zarzavatet, qytetarët në këtë periudhë të vitit sipas INSTAT, po i paguajnë mesatarisht 3% më shtrenjtë. “Zhvillimi i turizmit ka bërë që të kërkohen më shumë mallra konsumi sidomos tek baret restorantet dhe kjo ka ndikuar në një kërkesë të shtuar në treg. Ne e dimë që në Shqipëri teoremat ekonomike bien poshtë se me rritjen e kërkesës duhet të uleshin cmimet por edhe me raste festash ne i rrisim cmimet.” Por si përkthehet kjo në xhepin e një qytetari shqiptar ku më shumë se 40% e të ardhurave vetjake i përdorin për konsum? “Kjo rëndon cdo qytetar sidomos familjarët. Por më të prekurit do të jenë pensionistët të cilët edhe këtë sezon do të duhet të përjashtojnë ga lista e tyre e ushqimeve nëj pjesë të mrië të produkteve.” Një tjetër faktorë ndikues sipas ekspertëve në këtë rritje të cmimeve priten edhe pasojat indirekte të “luftës tregtare” që po prek kryesisht Europën. “Pamë shumë mirë cfarë ndodhi me luftën rusi ukrainë që u përballën me një rritje cmimesh për shkak të tregut ndërkombëtar dhe mungesë të tregut vendas.” Ndonëse edhe Banka e Shqipërisë parashikon luhatje të inflacionit si pasojë e tensioneve gjeopolitike, ekspertët flasin për një rritje të këtij treguesi në pikun e e turizmit.