Donald Trump doli me deklaratën se SHBA-ja duhet ta “zotërojë” Groenlandën në mënyrë që të parandalojë marrjen e ishullit më të madh të botës nga Rusia dhe Kina. Vendet nuk mund të bëjnë marrëveshje 9 vjecare apo edhe 100 vjecare. Vendet duhet të kenë pronësi dhe ti mbron pronësinë, nuk mbron qiranë. Dhe ne do të duhet ta mbrojmë Groenlandën. Këtë, ne do ta bëjmë “në mënyrën e lehtë” ose “në mënyrën e vështirë”, shtoi ai. Shtëpia e Bardhë tha së fundmi se administrata po shqyrton blerjen e territorit gjysmë-autonom të Danimarkës, një vend aleat i NATO-s, por nuk përjashtoi mundësinë e aneksimit me forcë. Ndërkohë vetë Groenlanda, por edhe Danimarka që zotëron këtë territor, insistojnë se ai nuk është në shitje. Kryeministrja daneze Mette Frederiksen deklaroi më herët se ndërhyrja ushtarake atje do të shënonte fundin e aleancës së mbrojtjes transatlantike. Trump e pati një koment edhe për këtë.