Në Austin të Teksasit në Shtetet e Bashkuara u raportua sot për të paktën 13 persona të plagosur pas të shtënave nga një person i cili ende është në kërkim nga policia. Policia lokale tha se nuk është raportuar për viktima, por dy nga të plagosurit jane në gjendje kritike. Raportet thonë se autoritetet po kërkojnë një individ “afro-amerikan” i cili hapi zjarr rreth orës 1:30 të mëngjesit në një zone qendrore argëtimi në qendër të Austinit. “Nuk është e qartë se çfarë e shkaktoi incidentin”, tha shefi i përkohshëm i Departamentit të Policisë së Austinit, Joseph Chacon. “Nuk mund të them se nuk ka rrezik pasi i dyshuari ende nuk është ndaluar”, tha Chacon. Autoritetet thanë se të shtënat dukej se ishin një incident i izoluar, megjithëse një hetim për motivet e sulmit është ende në vazhdim.